كويتني بدخانك
حشوما عليك
تلعب بقلبك
لي هو قلبي
كيفاش وعلاش
تخليني بك مهموما
وقلبي محطم
راني نموت
الف موتا
ونتحرق بالف جمرا
رحمني الله يخليك
حشوما عليك
تلعب بقلبك
لي هو قلبي
تدمع عيني
بلا سبا بلا سبا
ويتجرح قلبي
وندير فيها حبا قبا
راني عيت من الهضرة
حشوما تعذبني بك
راني نموت
الف موتا
صافي باراكا
من هاد الحصرا
حيت تكويت
فهاد الدنيا
وتهديت بالدمعا
حشوما عليك
تلعب بقلبك
علاش وكيفاش
انا نبقى هكدا
قلبي عليك يتحرق
وانت هاني
تكمي سكارا
وانا والدمعة مظيوما
صافي باراكا
من هاد اللوما
غير حرق الدمعا
وكويني بدخانك
والله حتى حشوما
صبري كيموت
فوق الساكيا
نجري باش نتهنا
وننسى هاد الحصرا
بلا سبا انا بلا سبا
عايشة الدنيا مظيوما
بزاف عليا من هاد اللوما
قضيت حياتي بالهضرا
نقول راني نقتل الدمعا
وانا غير دمدوما
وبعذابو انا مظلوما
القصيدة الزجلية للشاعرة سعاد اغجو
بديوان الدكريات المتمردة
الرجوع الى أعلى الصفحة
